काठमाडौं । पृथ्वी राजमार्गअन्तर्गत कृष्णभीरमा सडक भासिएको आज तीन दिन हुदासम्म  पनि अवरुद्ध सडक खुलाउने विषयमा सरकारले अझै ठोस निर्णयमा लिन  सकेको अवस्था  छैन।

मंगलबार सडक सञ्चालनमा ल्याउने उपायबारे छलफल भएता पनि तत्काल निर्णय लिन  सकेको अवस्था भने छैन । जियोटेक्निकल टोलीको अध्ययन र सुझावपछि मात्रै नयाँ ट्र्याक खोल्ने वा अन्य विकल्प अपनाउनेबारे टुंगो लाग्नेछ।

कृष्णभीरमा सडक अवरुद्ध हुँदा पृथ्वी राजमार्ग हुँदै पश्चिम नेपालतर्फ जाने यातायात प्रभावित भएको छ। यात्रु तथा सवारीसाधनलाई हाल हेटौँडा जोड्ने वैकल्पिक मार्गबाट आवतजावतको व्यवस्था मिलाइएको छ।