काठमाडौं । प्रधानमन्त्री बालेन शाहले बुधवार प्रतिनिधि सभाको बैठकमा सम्बोधन गर्ने भएका छन्।

संघीय संसद् सचिवालयका अनुसार बुधवार दिउँसो १ बजे बस्ने प्रतिनिधि सभाको बैठकमा प्रधानमन्त्री शाहले सम्बोधन गर्ने कार्यक्रम तय भएको हो।

भदौ १० गते भोटेकोशी र त्रिशूली नदीमा आएको विनाशकारी बाढीले ठूलो जनधनको क्षति गरेपछि प्रधानमन्त्रीले पहिलोपटक संसद्मार्फत समग्र अवस्थाबारे जानकारी गराउन लागेका हुन्। 

यसअघि प्रधानमन्त्री शाहले राष्ट्रका नाममा औपचारिक सम्बोधन गरेका छैनन्। 

उनले सामाजिक सञ्जाल फेसबुकमार्फत नियमित रूपमा बाढीबाट भएको क्षति, उद्धार तथा राहतका गतिविधिबारे जानकारी दिँदै आएका छन्।