काठमाडौं। राष्ट्रपति रामचन्द्र पौडेलले नुवाकोटका बाढी प्रभावित क्षेत्रको स्थलगत अवलोकन गरेका छन् ।

नुवाकोट पुगेका राष्ट्रपति पौडेलले बाढीबाट प्रभावित क्षेत्रको अवस्था, खोज तथा उद्धार र राहत वितरणबारे जानकारी लिएका हुन् ।

उनले प्रभावितलाई राखिएको होल्डिङ सेन्टरको समेत निरीक्षण गरेका छन्। त्यसक्रममा होल्डिङ सेन्टरको व्यवस्थापन, प्रभावितको अवस्था तथा पुनर्स्थापनाका विषयमा जानकारी लिएको राष्ट्रपतिको सचिवालयले जनाएको छ ।

राष्ट्रपति पौडेलले बाढीपछि भइरहेको खोज तथा उद्धार, राहत वितरण, प्रभावितको अस्थायी व्यवस्थापन र पुनर्स्थापनाका प्रयासबारे सम्बन्धित अधिकारीसँग जानकारी लिएका थिए।