काठमाडाैं। राष्ट्रपति रामचन्द्र पौडेलले आज सोमबार दिउँसो साढे ३ बजे राष्ट्रका नाममा सम्बोधन गर्ने भएका छन्।

राष्ट्रपतिका प्रेस सल्लाहकार किरण पोखरेलका अनुसार रसुवा र नुवाकोटका बाढी प्रभावित क्षेत्रको स्थलगत निरीक्षणपछि राष्ट्रपति पौडेलले सम्बोधन गर्न लागेका हुन्। उनको सम्बोधन नेपाल टेलिभिजनमार्फत प्रत्यक्ष प्रसारण हुनेछ।

राष्ट्रपति पौडेलले आजै बाढीपहिरो प्रभावित क्षेत्रको स्थलगत निरीक्षण गरी त्यहाँको क्षति तथा उत्पन्न मानवीय संकटबारे नेपाली सेना र सम्बन्धित अधिकारीसँग जानकारी लिएका थिए।

भदौ १० गते आएको बाढीपहिरोका कारण रसुवा, नुवाकोट र धादिङमा ठूलो जनधनको क्षति भएको छ। घटनामा हालसम्म १ हजार ३ सय ५५ जनाको मृत्यु भएको र ४ हजार ९ सय ९६ जना अझै बेपत्ता रहेको जनाइएको छ।