सुनसरी । सुनसरीको कोशी गाउँपालिका–६, लाही टोलका २६ वर्षीय पप्पु यादवको चट्याङ लागेर मृत्यु भएको छ।

सोमबार बिहान भैँसी चराउन गएका यादवलाई पानी परिरहेका बेला चट्याङ लागेको थियो।

चट्याङ लागेर उनको घटनास्थलमै मृत्यु भएको सशस्त्र प्रहरी बल नेपाल नं. ४ गण हेडक्वार्टर सुनसरीका प्रमुख सशस्त्र प्रहरी उपरीक्षक लवकुमार सापकोटाले जानकारी दिएका हुन्।

यादवको शव पोस्टमार्टमका लागि जिल्ला अस्पताल इनरुवा पठाइएको छ। घटनाबारे थप अनुसन्धान भइरहेको प्रहरीले जनाएको छ।