बझाङ । बझाङमा कुटपिटबाट घाइते भएका एक पुरुषको उपचारका क्रममा मृत्यु भएको छ।

दुर्गाथली गाउँपालिका–५ झाक्रीका ५० वर्षीय झलक जप्रेलको उपचारका क्रममा मृत्यु भएको प्रहरीले जनाएको छ।

प्रहरीका अनुसार गत भदौ २२ गते साँझ करिब ७ बजे सामान्य विवादका क्रममा सोही ठाउँका २८ वर्षीय लोकेन्द्र जप्रेलले झलकमाथि कुटपिट गरेका थिए। कुटपिटबाट घाइते भएका झलकको धनगढीस्थित केयर अस्पतालमा उपचार भइरहेको थियो।

उपचारकै क्रममा बुधवार चिकित्सकले झलकलाई मृत घोषणा गरेका हुन्।

घटनापछि प्रहरीले कुटपिटमा संलग्न लोकेन्द्रलाई नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।