काठमाडौं । कपिलवस्तुको बुद्धभूमि नगरपालिका-२ गोरुसिङ्गेमा दूध बोक्ने ट्याङ्कर रुखमा ठोक्किँदा सहचालकको मृत्यु भएको छ।

पत्थरकोटबाट गोरुसिङ्गेतर्फ आउँदै गरेको लु.प्र.०१-००१ क ०८४५ नम्बरको ट्याङ्कर पत्थरकोट–गोरुसिङ्गे सडकखण्डमा अनियन्त्रित भई रुखमा ठोक्किएको प्रहरीले जनाएको छ।

दुर्घटनामा २५ वर्षीय सहचालक आशिष अधिकारीको मृत्यु भएको हो। घटनापछि ट्याङ्कर चालकलाई प्रहरीले नियन्त्रणमा लिएको छ।

साथै, अनुसन्धान भइरहेको प्रहरीले जनाएको छ।