काठमाडौं । भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले नेपाल प्रशासन सेवा, सामान्य प्रशासन समूहका १४ जना शाखा अधिकृतको सरुवा तथा कामकाज हेरफेर गरेको छ।

मन्त्रालयले असोज १४ गते गरेको निर्णयअनुसार राजपत्राङ्कित तृतीय श्रेणीका अधिकृतहरूलाई विभिन्न मन्त्रालय, कार्यालय तथा निकायमा सरुवा र कामकाजका लागि खटाइएको हो।

यस निर्णयसँगै स्थानीय तह तथा विभिन्न सरकारी निकायमा कार्यरत शाखा अधिकृतहरूको जिम्मेवारी र कार्यस्थल परिवर्तन भएको छ।

मन्त्रालयले सरुवा तथा कामकाजमा खटाइएका कर्मचारीको विवरण सार्वजनिक गर्दै सम्बन्धित निकायमा आवश्यक प्रक्रिया पूरा गरी जिम्मेवारी सम्हाल्न निर्देशन दिएको छ।