काठमाडौं । नेकपाका सांसद गोपाल शर्माले सत्तारुढ राष्ट्रिय स्वतन्त्र पार्टी (रास्वपा) का सभापति रवि लामिछानेलाई चुनावअघि गरेको ‘१०० दिनमा थिति बसाल्ने’ वाचा सम्झाएका छन्।

शुक्रबार प्रतिनिधिसभाको बैठकमा बोल्दै शर्माले अहिले रास्वपासँग दुईतिहाइ बहुमतसहितको सरकार रहेको र लामिछानेले चुनावअघि मागेको भन्दा बढी मन्त्रालयसमेत हातमा रहेको उल्लेख गरे।

उनले व्यंग्यात्मक शैलीमा प्रश्न गरे, ‘१०० दिन सरकार चलाउन दिनुस्, १३ वटा मन्त्रालय दिनुस्, रातारात देशमा थिति बसालेर देखाउँछौं भन्नुभएको थियो। अहिले तपाईंसँग दुईतिहाइ बहुमत छ, १३ होइन १८ वटा मन्त्रालय छन्। १०० दिन होइन, १८९ दिन बितिसक्यो। अब हामीले हेर्नलायक थिति के हो, देखाइदिन मिल्छ?’

शर्माले सरकारको कामप्रति असन्तुष्टि जनाउँदै ‘रातारात थिति बसाल्ने’ भनेर गरिएको दाबी व्यवहारमा भने देखिन नसकेको आशय व्यक्त गरे।

उनले विगतका सरकारहरूले समेत आँट गर्न नसकेका किसिमका ‘थिति’ सरकारले बसाएको भन्दै व्यंग्यसमेत गरे।