काठमाडौँ / सहरी विकासमन्त्री सीता गुरुङले सिंहदरबारस्थित पुरानो संसद् भवनको प्रवलीकरणको तयारी भइरहेको जानकारी दिनुभएको छ ।

सिंहदरबारमा बुधबार बसेको राष्ट्रियसभा अन्तर्गतको प्रत्यायोजित व्यवस्थापन तथा सरकारी आवश्वासन समितिमा मन्त्री गुरुङले पुरानो संसद् भवनलाई संसदीय संग्रहालयको रुपमा बिकास गर्नका लागि प्रवलीकरणको तयारी भइरहेको बताउनुभएको हो ।

उक्त भवनलाई प्रवलीकरण गरि पुरानै अवस्थामा फर्काउने कार्ययोजनाका साथ काम गरिरहेको उहाले बताउनुभयो । त्यस्तै उहाले भक्तपुरको गुण्डुमा मंगला साहान पुनस्थापना केन्द्र स्थापनामा जग्गाको बिबाद देखिएकाले केहि ढिलाई भइरहेको जानकारी दिनुभयो ।

उहाले काठमाडौंको गोठाटारमा निर्माण गर्ने भनिएको ज्येष्ठ नागरिक आवास र अस्पताल निर्माणमा पनि पशुपति क्षेत्र बिकास कोषको जग्गा भएकाले केहि प्राविधिक बिषय टुङ्गीन बाँकी रहेको बताउनुभयो ।
बैठकमा भवन सहरी विकास तथा भवन विभागका महानिर्देशक सुरेन्द्रमोहन श्रेष्ठले एक सय वर्षको इतिहासको प्राविधिक र महत्व बोकेको पुरानो संसद भवन जस्ताको त्यस्तै राख्न कोसिस गरिरहेको बताउनुभयो ।