​​​​​​​काठमाडौँ / राष्ट्रिय सभाको बैठक आज बस्दैछ । संघीय संसद भवन नयाँ बानेश्वरमा बिहान ११ बजे बैठक बस्ने तय भएको छ ।

बैठकमा मुलुकी संहिता केही नेपाल ऐनलाई संशोधन गर्ने विधेयक २०८० टेबुल गरिने भएको छ ।

राष्ट्रियसभाले पारित गरी सन्देशसहित प्रतिनिधिसभामा पठाएको उक्त विधेयक राष्ट्रियसभाका सचिव डा. सुरेन्द्र अर्यालले टेबुल गर्ने कार्यसूची रहेको संसद् सचिवालयले जनाएको छ ।

अनुचित लेनदेनको कार्यलाई फौजदारी कसुर कायम गरी सजायको व्यवस्था गर्न र लेनदेन सम्बन्धी व्यवहारलाई व्यवस्थित र पारदर्शी बनाउने लक्ष्यसहित मिटर ब्याजसम्बन्धी विधेयक प्रतिनिधि सभाबाट असार ३१ गते पारित भएको थियो ।

अध्यक्ष तिमिल्सिनाले महान्यायाधीवक्ता लगायतका कानुन व्यवसायीसँग पनि छलफल गरेका थिए । त्यसकारण प्रतिनिधि सभाबाट पारित भएको ११ औं दिनमा सो विधेयक राष्ट्रियसभा बैठकको कार्यसूचीमा राखिएको छ ।