काठमाडौं । प्रहरीले नक्कली लेवलिङ गरेर कम्प्युटर बिक्री गरेको आरोपमा एक विदेशी नागरिकलाई पक्राउ गरेको छ । प्रहरी परिसरको विशेष टोलीले म्यानमार घर भइ काठमाडौं बस्दै आएका २२ वर्षीय तुसार अग्रवाललाई पक्राउ गरेको हो ।

उनले काठमाडौं महानगरपालिका–२२ मा मुकुन्द श्रेष्ठको घर भाडामा लिएर डेल कम्प्युटरको लोगो सादा कम्प्युटरमा लेवलिङ गरेर बिक्री गर्ने गरेको पाइएको परिसरका प्रवक्ता नवराज अधिकारीले जानकारी दिए ।

प्रहरीले उनको साथबााट डेल कम्पनीको लोगो सहितको मनिटर १० कार्टुन (५० थान), लोगो बिनाको ३७ कार्टुन (१८५ थान) गरी २३५ थान कम्प्यूटर बरामद गरेको छ । त्यस्तै उमेश मुडवरीबाट कम्पनीको लोगो सहितको मनिटर ६ थान समेत बरामद भएको छ । जम्मा २८६ थान मनिटर बरामद गरिएको प्रहरीले जनाएको छ ।