काठमाडौं, २० साउन दाङ, घोराही उपमहानगरपालिका-१० अम्राहीस्थित सडकमा लु.२ ख ५०८५ नम्बरको टिपरले बा.५८ प ५६०५ नम्बरको मोटरसाइकललाई शनिबार राति ठक्कर दिँदा मोटरसाइकल चालक सोही उपमहानगरपालिका-१५ बस्ने ३९ वर्षीय कुल बहादुर बस्नेतको मृत्यु भएको छ । दुर्घटनामा गम्भीर घाइते भएका उनको राप्ती स्वास्थ्य विज्ञान प्रतिष्ठान घोराहीमा उपचारको क्रममा मृत्यु भएको हो । टिपर चालकलाई प्रहरीले नियन्त्रणमा लिएको छ ।

मोरङ, रंगेली नगरपालिका-२ स्थित सडकमा बिराटनगरबाट आमबारीतर्फ जाँदै गरेको को.१ क १७०० नम्बरको अरनिको आवासीय माध्यमिक विद्यालयको बसको ठक्करबाट साइकलयात्री धनपालथान गाउँपालिका-३ बस्ने ६० वर्षीय जगरनाथ ठाकुरको आइतबार बिहान मृत्यु भएको छ । ठक्करबाट गम्भीर घाइते भएका उनको रंगेली अस्पतालमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ ।

रूपन्देही, तिलोत्तमा नगरपालिका-५ मणिग्रामस्थित सडकमा ना.८ ख ८१७५ नम्बरको टिपरले लु.४७ प १३७ नम्बरको मोटरसाइकललाई आइतबार दिउँसो ठक्कर दिँदा मोटरसाइकल चालक बुटवल उपमहानगरपालिका-८ दिपनगर बस्ने ४५ वर्षीय अमृत थापाको मृत्यु भएको छ । दुर्घटनामा गम्भीर घाइते भएका उनको क्रिमसन अस्पताल मणिग्राममा उपचारको क्रममा मृत्यु भएको हो । टिपर चालकलाई प्रहरीले नियन्त्रणमा लिएको छ ।

बाँके, नेपालगंज उपमहानगरपालिका-२ पुष्पलाल चोकस्थित सडकमा भे.१ ज ७६० नम्बरको म्याजिकले भे.१२ प ५१७७ नम्बरको स्कुटरलाई आइतबार दिउँसो ठक्कर दिँदा स्कुटर चालक नेपालगंज उपमहानगरपालिका-७ बस्ने ५८ वर्षीय राजु शाहको मृत्यु भएको छ । दुर्घटनामा गम्भीर घाइते भएका उनको नर्सिङहोम नेपालगंज बाँकेमा उपचारको क्रममा मृत्यु भएको हो । म्याजिक चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।