बीबीसी । अजरबैजानको एउटा यात्रुवाहक जहाज काजाकस्तान दुर्घटनामा परेको छ । उक्त जहाज काजाकस्तानको अक्ताउ क्षेत्रनजिकै खसेको बताइएको छ। जहाजमा ६७ जना यात्रुहरू यात्रारत रहेको बताइएको छ ।

अजरबैजान एयरलाइन्सको उक्त जहाजतर्फ आकस्मिक सेवाका अधिकारीहरू जाँदै गर्दा त्यसमा आगो लागेको थियो। पछि जहाजमा लागेको आगो निभाइएको छ । काजाकस्तानका आकस्मिक सेवासम्बन्धी मन्त्रालयले दुर्घटनामा केही मानिसहरू बच्न सफल भएको जनाएको छ ।

प्रारम्भिक जानकारीअनुसार १२ जना यात्रु बच्न सफल भएका छन्। अजरबैजानको राजधानीबाट चेचन्यातर्फ उडेको उक्त जहाज कुहिरोका कारण काजाकस्तानतर्फ मोडिएको स्थानीय सञ्चारमाध्यमहरूले जनाएका छन् ।