काठमाडौं । सभामुख देवराज घिमिरेले भारत र पाकिस्तानबीच सुरु भएको तनावले त्यहाँ बस्ने नेपालीहरुको सुरक्षामा पर्ने प्रभावको व्यवस्थापन गर्न सरकारको ध्यानाकर्षण गराएका छन् ।

शुक्रबारको प्रतिनिधिसभाको बैठकमा सभामुख घिमिरेले दुई देशको तनावले त्यहाँ बस्ने सम्पूर्ण नेपालीको सुरक्षा लगायत पर्न सक्ने सम्भावित समस्याहरूप्रति आवश्यक व्यवस्थापन गर्न÷गराउन सरकारको ध्यानाकर्षण गराएका हुन् ।

उनले भने, ‘भारत र पाकिस्तानबीच सिर्जित अवस्थालाई दृष्टिगत गर्दै त्यहाँ बस्ने सम्पूर्ण नेपालीको सुरक्षा लगायत पर्न सक्ने सम्भावित समस्याहरूप्रति आवश्यक व्यवस्थापन गर्न/गराउन म नेपाल सरकारको ध्यानाकर्षण गराउँछु ।’

त्यसअघि बैठकमा सांसदहरुले भारत र पाकिस्तानमा रहेका नेपालीको सुरक्षा तथा उद्दारको योजना बनाउन सरकारको ध्यानाकर्षण गराएका थिए ।