इजरायली सेनाका प्रमुखले सुरक्षा क्याबिनेटको बैठकमा सेनाको अडान निर्धक्क भएर राख्ने बताउनुभएको छ।

सेना प्रमुख लेफ्टिनेन्ट जनरल इयाल जमिरले गाजाका लागि युद्धका योजनाबारे छलफल हुने सुरक्षा क्याबिनेटको बैठकअघि ’निर्धक्क भएर’ सेनाको धारणा व्यक्त गर्ने प्रतिबद्धता व्यक्त गर्नुभएको हो।

बैठकको पूर्वसन्ध्यामा इजरायली सञ्चार माध्यममा प्यालेस्टाइनको तहसनहस भएको क्षेत्रमा अगाडि बढ्ने बाटोबारे क्याबिनेट र जमिरबीच असहमति रहेको हल्ला चलेको थियो।

जमिरले भन्नुभयो, “हामी निर्धक्क भएर, व्यावहारिक, स्वतन्त्र र व्यावसायिक तरिकाले आफ्नो स्थिति व्यक्त गर्ने काम जारी राख्नेछौँ।”

इजरायली सञ्चार माध्यमका अनुसार इजरायली प्रधानमन्त्री बेन्जामिन नेतन्याहूले गाजाको पूर्ण कब्जाका लागि अनुमति माग्ने अनुमान गरिएको छ ।

यसअघि बुधबार जमिरले गाजाको विषयमा कुनै पनि सरकारी निर्णय कार्यान्वयन गर्नुपर्ने भन्दै रक्षामन्त्री इजरायल काट्जले सामाजिक सञ्जालमा लेख्नुभएको छ ।

जमीरले आफ्नो वक्तव्यमा भन्नुभएको छ, “हामी सिद्धान्तका लागि काम गरिरहेका छैनौँ, हामी जीवन र मृत्युको मामिलामा काम गरिरहेका छौँ, राज्यको रक्षाका लागि काम गरिरहेका छौँ र हामी हाम्रा सैनिक र नागरिकहरूको आँखामा प्रत्यक्ष रूपमा हेर्दै निर्णयहरू लिन्छौँ।”

उहाँले भन्नुभयो, “हामी केवल राज्यको भलाई र यसको सुरक्षाको लागि जिम्मेवारी, निष्ठा र दृढताका साथ काम गरिरहनेछौँ।”

“उपयुक्त फोरमहरूमा आफ्नो स्थिति व्यक्त गर्नु ‘सेना प्रमुख’को अधिकार र कर्तव्य हो“, काट्जले एक्समा आफ्नो पोस्टमा भन्नुभएको छ, “सेनाले सरकारले बनाएको नीतिहरूको सम्मान गर्नुपर्दछ।”