काठमाडौं । सभामुख देवराज घिमिरेले नेकपा माओवादी केन्द्रका सांसद छिरिङल्यामु लामालाई बोल्न रोकेका छन्।

आकस्मिक समयमा बोल्नका लागि टिपाइएको विषय भन्दा बाहिर गएर बोलेपछि सभामखु घिमिरेले सांसद लामाको माइक बोल्दा बोल्दै काटेका हुन् ।

उनले कर्णाली विकासमा सरकारले ध्यान नदिएको र प्रधानमन्त्री केपी शर्मा ओलीले झापालाई मात्रै नेपाल देखिरहेको आरोप लगाइन । लगत्तै उनले केहि दिन अघि सिस्नोपानी नेपालले प्रज्ञा प्रतिष्ठानमा आयोजना गरेको जुरुक्क कर्णाली कार्यक्रमको प्रसंग जोडिन् ।

लगत्तै सभामुख घिमिरेले आफ्नो आकस्मिक समयलाई ध्यानमा राखेर बोल्न आग्रह गरे । घिमिरले जुन विषयमा बोल्नका लागि समय माग गरिएको हो, त्यसै विषयमा जानका लागि निर्देशन दिए ।

तर सांसद लामाले आफु त्यसै विषयमा आइरहेको बताउँदै संसदका सबै बैठकमा प्रधानमन्त्रीको अनिवार्य उपस्थित रहनुपर्ने बताउदैँ फेरी पनि सिस्नुपोनी नेपालले प्रज्ञा प्रतिष्ठानमा केहि दिन अघि गरेको कार्यक्रम जुरुक्क कर्णालीकै प्रसंग जोडेपछि सभामुखले सांसद लामाको बोलिरहेको माइक काटेका हुन् ।

त्यसपछि सभामुखले घिमिरले मागेको समय र बिषय नमिलेको भन्दै लामालाई बस्न आग्रह गर्दै शून्य समयको कार्यक्रम प्रारम्भ गरे ।