काठमाडौं । जेनजी आन्दोलनका अगुवा मिराज ढुंगानाले अक्टोबर ९ मा जेनजीतर्फबाट कुनै प्रदर्शनको कार्यक्रम नरहेको स्पष्ट पारेका छन् । अक्टोबर ९ मा जेनजीको प्रदर्शन भन्दै सामाजिक सञ्जालहरुमा विभिन्न प्रचार भएपछि उनले यसबारे स्पष्टीकरण दिएका हुन् ।

‘अक्टोबर ९ मा कुनै पनि खालको हिंसा हुने काम, तोडफोड हुने काम यस्तो काममा हाम्रो संलग्नता हुने छैन, जेनजीहरूको संलग्नता हुने छैन । मुसो मार्न गएको हामीले बाघ मारेर ल्यायौं । अब बाघ उचाल्न सकिँदैन जंगलबाट,’ उनले भिडिओ सन्देश जारी गर्दै भनेका छन्, ‘एजेण्डा बिना, के गर्ने त्यसपछि भन्ने त्यो थाहा नपाइकन हामी कुनै खालको प्रदर्शनमा सहभागिता जनाउँदैनौं,’ ढुंगानाले भनेका छन्, ‘परेको खण्डमा शान्तिपूर्ण प्रदर्शन गरौंला । तर, हिंसा हुने खालको प्रदर्शनमा हाम्रो संलग्नता हुने छैन ।’