काठमाडौं । डीएनएन संरचना पत्ता लगाउने वैज्ञानिकहरूमध्ये एक जेम्स वाटसनको निधन भएको छ । उनको ९७ वर्षको उमेरमा निधन भएको हो । अमेरिकी वैज्ञानिक वाटसनलाई नोबेल पुरस्कार प्रदान गरिएको थियो ।

डीएनए संरचनाको खोजलाई २० औं शताब्दीको सबैभन्दा ठूलो वैज्ञानिक उपलब्धिहरूमध्ये एक मानिन्छ । उनले बेलायती वैज्ञानिक फ्रान्सिस क्रिकसँग मिलेर १९५३ मा डीएनएको डबल–हेलिक्स संरचना पहिचान गरे । यसले आणविक जीवविज्ञानमा द्रुत प्रगतिको लागि मार्ग प्रशस्त गर्‍यो ।

वाटसनले जातीय र लिङ्ग भेदभावको आलोचनात्मक टिप्पणी पनि गरे, जसले उनको प्रतिष्ठालाई गम्भीर क्षति पुर्‍यायो । एक टेलिभिजन कार्यक्रममा उनले दाबी गरे कि कालो र गोरा मानिसहरू बीचको औसत आइक्यूमा भिन्नताको लागि जीन जिम्मेवार छ । वाटसनले दशकौंसम्म काम र अनुसन्धान गरेको कोल्ड स्प्रिङ हार्बर प्रयोगशालाले बीबीसीलाई उनको मृत्युको पुष्टि गर्‍यो ।