धनकुटा — नेपाल बीमा प्राधिकरण, कोशी प्रादेशिक कार्यालयले चौबिसे गाउँपालिकामा शुक्रबार बीमा सचेतना तथा अभिमुखीकरण कार्यक्रम सम्पन्न गरेको छ । चौबिसै गाउँपालिका अध्यक्ष राजकुमार लिम्बूले पहिलोपटक चौबिसे गाउँपालिकामा बीमा प्राधिकरणले सचेतना कार्यक्रम लिएर आएका बेला स्थानीय स्तरमा बीमा सेवा अभावमा चुनौती सिर्जना हुने गरेको बताउनुभयो ।उहाँले“बीमा गर्दा आवश्यक जानकारी बीमितलाई पर्याप्त रूपमा नपुगेको महसुस हुन्छ। बीमा कम्पनीले पनि आफ्नो पहलमा गाउँमा पुगेर काम गर्न जरूरी छबीमालाई अभियानको रूपमा लैजानुपर्छ ,”। लिम्बूले भन्नुभयोे ।

उहाँले कृषि तथा पशु बीमा गाउँगाउँमा पु¥याउनुपर्ने र बीमालाई अभियानको रूपमा अघि बढाउनुपर्ने धारणा राख्नुभयो । कार्यक्रमलाई सम्वोधन गर्दै उपाध्यक्ष टंकमाया पाङ्मीले बीमासम्बन्धी जानकारी कार्यक्रममार्फत स्पष्ट रूपमा बुझ्न पाएको बताउनुभयो ।उहाँले“बीमाका बारेमा भ्रममा नपरी सेवा बुझेर लिनुपर्र्नेमा जोड दिनुभयो । आफु स्वयंले पनि बीमा सेवा उपयोग गरिरहेको बताउर्दै उहाँले बीमा गर्दा बीमाकर्ता र बीमित दुवै जिम्मेवार बन्नुपर्नेमा जोड दिनुभयो ।

गाउँपालिका प्रमुख प्रशासकीय अधिकृत मदनबाबु मेहताले हालैको पहिरो र बाढीले पारेको क्षतिको उदाहरण दिँदै कृषि बीमाको आवश्यकता झनै बढेको बताउनुभयो । “बीमा नभएकैले धेरैले ठूलो क्षति बेहोर्नुप¥यो, बीमा भएको भए राहत मिल्थ्यो,” मेहताले भन्नुभयोे । उहाँले बीमाबारे प्राप्त जानकारीलाई समुदायमा फैलाउन सहभागीहरूलाई आग्रह गर्नुभयो ।

उठेका जिज्ञासामा कार्यालय प्रमुख देवकोले बीमालाई स्थानिय स्तर सम्म पुयाउनको लागी कोशी प्रादेशिक कार्यालयले निरन्तर बीमा सचेतना र बीमाका फाइदाको विषयमा स्थानिय जनता र विमीत विमा सम्बद्ध निकायलाई सहजिकरण गरेको बताउनुभयो । उहाँले कार्यक्रममा सहभागीहरूले बीमा प्रक्रिया, दाबी भुक्तानी र बीमाका विभिन्न सुविधाबारे राखेका प्रश्नहरूको जवाफ दिनुभयो । उनले बीमा पहुँच विस्तार प्राधिकरणको प्राथमिकतामा सदैब रहेको बताउनुभयो । उहाँका अनुसारस्थानीय तहसम्म नियमित रूपमा सचेतनामूलक कार्यक्रम लैजाने योजना आगामी दिनमा पनि निरन्तर रहने दाबी गनुभयो । कार्यक्रममा चौबिसे गाउँपालिकाका अध्यक्ष उपाध्यक्ष स्थानिय बीमा कम्पनीका प्रतिनिधि सञ्चारकर्मी एवम वीमित को बाक्लो उपस्थिती रहेको थियो ।