काठमाडौं । सरकारले गोरखापत्र संस्थानको कार्यकारी अध्यक्षमा पत्रकार गोविन्दप्रसाद भण्डारी (अखण्ड भण्डारी) लाई नियुक्त गरेको छ । आज (सोमबार) बसेको मन्त्रिपरिषद् बैठकले भण्डारीलाई संस्थानको नेतृत्व सुम्पने निर्णय गरेको हो ।

सञ्चार तथा सूचना प्रविधिमन्त्री जगदीश खरेलका अनुसार रिक्त रहेको संस्थानको अध्यक्ष पदमा भण्डारीलाई नियुक्त गरिएको हो । मन्त्रिपरिषद्को निर्णयमा भनिएको छ, ‘गोरखापत्र संस्थानको रिक्त अध्यक्ष पदमा श्री गोविन्दप्रसाद भण्डारी, भक्तपुरलाई नियुक्त गर्ने निर्णय गरिएको छ ।’ उनी यसअघि अन्नपूर्ण पोस्ट दैनिकको प्रधान सम्पादकका रूपमा कार्यरत थिए ।