काठमाडौँ । नेकपा एमालेका अध्यक्ष केपी शर्मा ओलीले मनलाई स्वतन्त्र, शान्त र आनन्दित बनाउने प्रतीकात्मक स्वरूप नै पशुपतिनाथ भएको बताएका छन् ।

आज महाशिवरात्रिका अबसरमा शुभकामना सन्देश जारी गर्दे उनले यस्तो बताएका हुन् । उनले ऊर्जाको तेजमय प्रवाहलाई संयममा राख्ने सामर्थ्य, विषको पीडा सामना गरेर पनि शान्त रहने धैर्य र नश्वरता सम्झँदै अनासक्त जीवन जिउने सन्देश पशुपतिनाथले दिएको बताउका छन् ।

उनले लेखेका छन् –

आज महाशिवरात्रि ।

यो पवित्र रात्रि उपवास, जागरण र अन्तर्मनबीच संवाद गर्ने पर्व हो। ‘पशु’ अर्थात् बन्धनमा बाँधिएको चेतनालाई मुक्त गराउने र लोभ, क्रोध, मोह, अहंकार लगायत सबै पाश९बन्धन०हरूबाट निकालेर मनलाई स्वतन्त्र, शान्त र आनन्दित बनाउने प्रतीकात्मक स्वरूप नै पशुपतिनाथ हुन्।

ऊर्जाको तेजमय प्रवाहलाई संयममा राख्ने सामर्थ्य, विषको पीडा सामना गरेर पनि शान्त रहने धैर्य र नश्वरता सम्झँदै अनासक्त जीवन जिउने सन्देश पशुपतिनाथले दिएका छन्।

बाहिरको कोलाहलमा होइन, भित्रको विवेकमा सत्य निहित छ। आजको यस दिनमा सबैले विवेकको सत्य फेला पार्न सकुन् र आत्मबोधको ज्योति प्रज्ज्वलित होओस्।

जय राष्ट्रदेव, महादेव भगवान पशुपतिनाथ !

हर हर महादेव !

शुभ महाशिवरात्रि