काठमाडौं। नेपाली कांग्रेसको केन्द्रीय अनुशासन समितिले अनुशासन उल्लंघनका उजुरीहरूको प्रारम्भिक अध्ययन गर्ने निर्णय गरेको छ।

पार्टी केन्द्रीय कार्यालय सानेपामा शुक्रबार बसेको समितिको बैठकले प्राप्त उजुरीहरूलाई व्यवस्थित रूपमा अध्ययन गरी आवश्यक प्रक्रिया अघि बढाउने निर्णय गरेको हो।

बैठकले पार्टी केन्द्रीय कार्यालयका सह-सचिव दिनेश थापा मगरलाई समितिको सचिवमा नियुक्त गर्ने निर्णयसमेत गरेकाे छ । समिति संयोजक तारामान गुरुङकाे अध्यक्षतामा बैठक बसेकाे पार्टी केन्द्रीय कार्यालयका कार्यवाहक मुख्यसचिव कृष्णप्रसाद दुलालले जानकारी दिए ।

पछिल्लो समय पार्टीका विभिन्‍न तहका नेता तथा कार्यकर्ताविरुद्ध अनुशासन उल्लंघनसम्बन्धी उजुरीहरू बढ्दै गएपछि तिनलाई व्यवस्थित रूपमा अध्ययन गर्न समितिलाई सक्रिय बनाइएको हाे ।

बैठकले प्राप्त उजुरीहरूको तथ्यगत अध्ययन गरी आवश्यक सिफारिस तथा कारबाही प्रक्रिया अघि बढाउने जनाएको छ। यसले पार्टीभित्र अनुशासन कायम राख्‍न तथा संगठनात्मक प्रणालीलाई मजबुत बनाउन सहयोग पुग्ने विश्वास पार्टी सभापति गगन थापाकाे छ।