इरानको विदेश मन्त्रालयका प्रवक्ताले अमेरिका र इजरायली आक्रमणविरुद्ध जतिसुकै समय लागे पनि आफ्नो रक्षा गर्ने बताएका छन् ।

फेब्रुअरी २८ मा इजरायल र संयुक्त राज्य अमेरिकाले तेहरान र अन्य धेरै इरानी सहरहरूमा संयुक्त आक्रमण गरेका थिए ।

यसको जवाफमा इरानले मध्यपूर्वमा रहेका इजरायल र अमेरिकी आधार शिविर तथा सम्पत्तिहरूलाई लक्षित गर्दै क्षेप्यास्त्र र ड्रोन आक्रमण गरिरहेकाे छ ।

इरानको आणविक कार्यक्रमलाई सन्दर्भ गर्दै बघाईले अमेरिका र इजरायली पक्षहरूलाई देशको आणविक गतिविधिहरू पूर्ण रूपमा शान्तिपूर्ण छन् भन्ने राम्ररी थाहा रहेको बताए ।

बघाईले इरानले फारसको खाडी क्षेत्रका कुनै पनि राज्यप्रति कुनै दुश्मनी नराख्ने स्पष्ट पारे ।