बेन्जामिन नेतान्याहूको पत्रकार सम्मेलन, भने ‘म ज्युँदै छु’
Nepal One HD ६ चैत २०८२ ११:५२
काठमाडौँ । इजरायलका प्रधानमन्त्री बेन्जामिन नेतन्याहुले आफ्नो जिउदै भएको प्रमाण सार्वजनिक गर्न बिहीबार राति विशेष पत्रकार सम्मेलन गरे।
सामाजिक सञ्जालमा उनको मृत्युबारे व्यापक अफवाह फैलिन थालेपछि उनले प्रत्यक्ष उपस्थिती जनाउँदै ती सबै दाबी असत्य भएको स्पष्ट पारे।
पत्रकार सम्मेलनको सुरुवातमै उनले भने, ‘सबैभन्दा पहिले म भन्न चाहन्छु- म जिउँदै छु, र तपाईंहरू सबै यसको प्रत्यक्ष साक्षी हुनुहुन्छ। साथै, म सबै फेक न्युजको खण्डन गर्छु।’
गत १३ मार्चमा नेतन्याहुको X खाताबाट एउटा भिडियो सार्वजनिक भएको थियो, जसलाई धेरै प्रयोगकर्ताले ‘एआई-जेनरेटेड’ भन्दै शंका व्यक्त गरेका थिए। केहीले त उनी मृत्यु भइसकेको समेत प्रचार गरेका थिए।
यद्यपि, इजरायली प्रधानमन्त्री कार्यालयले उनीसँग सम्बन्धित सबै अफवाह झूटो भएको र प्रधानमन्त्री सकुशल रहेका जानकारी पहिले नै दिएको थियो।
पत्रकार सम्मेलनमा नेतन्याहुले अमेरिकाका पूर्व राष्ट्रपति डोनाल्ड ट्रम्पको नेतृत्वमा अमेरिका र इजरायल आफ्नो रणनीतिक लक्ष्यतर्फ मजबुत रूपमा अघि बढिरहेकोसमेत उल्लेख गरे।
