काठमाडौं। अमेरिकाले राष्ट्रिय स्वतन्त्र पार्टी (रास्वपा)का सभापति रवि लामिछानेलाई बधाई दिएको छ।

दक्षिण तथा मध्य एसियाली मामिला हेर्ने अमेरिकी विशेष दूत सर्जीओ गौरले टेलिफोनमार्फत रास्वपा अध्यक्ष लामिछानेलाई चुनावी सफलताका लागि शुभकामना दिएका हुन्।

नेपालस्थित अमेरिकी राजदुतावासका अनुसार विशेष दूत गोरले चैत १० गते फोन गरी निर्वाचनमा रास्वपाले हासिल गरेको परिणामबारे बधाई व्यक्त गरेका हुन्।

दूतावासले फेसबुक मार्फत जारी गरेको सन्देशमा भनिएको छ, ‘अमेरिका नेपालका नयाँ सरकारसँग सहकार्य गर्दै आर्थिक साझेदारी मजबुत बनाउन तथा दुई देशबीचको मित्रता अझ प्रगाढ बनाउन उत्सुक छ।’