काठमाडौं । राष्ट्रिय स्वतन्त्र पार्टी (रास्वपा)का वरिष्ठ नेता बालेन शाहले गत २३ भदौमा भएको जेन-जीको विद्राेहमा आफ्नाे समर्थन नरहेकाे बताएका छन् ।

तर, र्‍यालीमा  भने आफ्नो समर्थन रहेको बताएका छन् । उनले गाैरीबहादुर कार्की नेतृत्वकाे आयाेगलाई भनेका छन्, ‘२०८२ साल भाद्र २३ र २४ गते म सरकारीनिवास लैनचौरमा थिएँ ।

२३ गतेको शान्तिपूर्ण र्‍यालीमा मेरो समर्थन थियो, तर आन्दोलनमा थिएन ।’

व्यवसायी र रेस्टुरेन्टले आग्रहपछि महानगर प्रहरीले पानी वितरण गरेको उनको दाबी छ । तर, २४ गतेकाे आन्दाेलनमा उनले २ बजेतिर तत्कालीन प्रधानमन्त्री केपी शर्मा ओलीले राजीनामा दिएपछि आन्दाेलनकारीहरुलाई भनेका थिए ‘जेन-जीहरु फर्क, हामीले जित्याैँ ।’

साेही राति उनले प्रतिनिधिसभा विघटन गर्नुपर्ने र सेनासँग वार्ता गर्नुपर्ने एजेण्डा अघि सारेका थिए । तर, आयाेगसमक्ष भने उनले ढाँटेकाे पाइएकाे हाे ।