काठमाडौ। नेकपा एमालेका युवा सांसद सुहाङ नेम्वाङले संसदीय दलको नेता बन्न आफू तयार रहेको बताएका छन्।

सांसद पदको शपथ ग्रहण गर्न सिंहदरबार पुगेका नेम्वाङले सञ्चारकर्मीहरूसँगको संवादमा संसदीय दलको नेताबारे पार्टीभित्र अहिलेसम्म कुनै छलफल नहुकेको बताए।

‘हाम्रो अग्रज र अभिभावक अहिलेसम्म शोकमा हुनुहुन्थ्यो, त्यसैले पार्टीभित्र यसबारे छलफल भइरहेको अवस्था छैन,’ उनले भने। उनले थपे, ‘सामाजिक सञ्जाल र बाहिर जुन तरिकाले कुरा उठिरहेको छ, त्यो उहाँहरूको शुभेच्छा हो र म त्यसको सम्मान गर्छु।’

नेम्वाङले संसदीय दलको नेताबारे पार्टीले निर्णय गरेर अगाडि बढाए आफू पूरी तयारीका साथ जिम्मेवारी लिने बताएका छन्। ‘पार्टीले मलाई अगाडि बढ भने मैले खुट्टा त तल राखेर काम गर्नेछु,’ उनले स्पष्ट पारे।