काठमाडौं । शिक्षा, विज्ञान तथा प्रविधिमन्त्री सस्मित पोखरेलले पदभार ग्रहण गर्दै मतादेशको सम्मान गर्ने बताएका छन् ।

उनले रास्वपाको वाचापत्रअनुसार अगाडि बढ्ने बताए ।

‘हामी के कुरामा संवेदनशील छौँ भने जुन किसिमको मत प्राप्त भएको छ मतदाताहरूबाट, त्यो मतप्रति हामी निकै संवेदनशील छौँ,’ उनले पदभार ग्रहण गर्दै भने, ‘हामीले एकदमै जिम्मेवारबोध गरेका छौँ । हाम्रो मन्त्रालयबाट पाँच वर्षमा पार्टीको सयवटा बाचाहरू पूरा गर्नुपर्नेछ ।’

२९ वर्षे पोखरेलले कानुन अध्ययन गरेका छन् । तर, उनले शिक्षा मन्त्रालयको जिम्मेवारी पाए ।