काठमाडौं। राष्ट्रिय स्वतन्त्र पार्टी (रास्वपा) ले केन्द्रीय संगठन विभागको बैठकबाट भएका निर्णयहरू सार्वजनिक गरेको छ। पार्टीले गत चैत २१ गतेको बैठक तथा त्यसपश्चात् भएका नियमित छलफलबाट आएका निर्णयहरू सार्वजनिक गरेको जनाएको हो।

सार्वजनिक निर्णयअनुसार पार्टी सदस्यता वितरणलाई अनलाइन र अफलाइन दुवै माध्यमबाट प्रभावकारी बनाउने योजना अघि सारिएको छ। साथै, पार्टी हितविपरीत गतिविधिमा संलग्न सदस्यलाई कारबाही गर्ने निर्णय पनि गरिएको छ।

त्यसैगरी, पार्टीको संगठन सुदृढीकरणका लागि वडा र जिल्ला तहका अधिवेशनहरू सुरु गर्ने तयारी समेत गरिएको रास्वपाले जनाएको छ।