काठमाडौं। संसदीय समितिको बैठकमा पत्रकारलाई प्रवेश निषेध गरिएको छ। शुक्रबार विभिन्न संसदीय समितिका सभापतिहरूको निर्वाचन भइरहँदा यस्तो व्यवस्था गरिएको हो।

अधिकांश समितिका सभापति सर्वसम्मत रूपमा निर्वाचित भए भने दुई समितिमा एकभन्दा बढी उम्मेदवारी परेपछि निर्वाचन प्रक्रियाबाट सभापति चयन गरिएको थियो।

यसक्रममा राज्य व्यवस्था तथा सुशासन समितिको बैठकको सुरुआतमा भने पत्रकारहरूलाई फोटो खिच्न अनुमति दिइएको थियो। तर त्यसपछि पत्रकारहरूलाई सभाकक्षमा बस्न नदिई बाहिर निकालिएको थियो।

पत्रकारहरूलाई बाहिर पठाएपछि समितिको बाँकी बैठक कार्यसूची अगाडि बढाइएको थियो।