काठमाडौं। पूर्वराष्ट्रपति विद्यादेवी भण्डारीले नेकपा एमालेका सचिव भानुभक्त ढकालसहित जनवर्गीय संगठनका नेताहरूसँग छलफल गरेकी छन्।

नेताहरूका अनुसार मदन भण्डारीको हिरक जयन्तीलाई व्यवस्थित रूपमा मनाउने विषयमा मदन भण्डारी फाउन्डेसनको कार्यालयमा बैठक बसेको हो। छलफलमा जयन्तीलाई प्रभावकारी र भव्य रूपमा आयोजना गर्ने विषयमा गहन विचारविमर्श गरिएको एक सहभागीले बताए।

मदन भण्डारीको हिरक जयन्ती मनाउन फाउन्डेसनले छुट्टै समिति गठन गरिसकेको छ, जसले कार्यक्रमको तयारी र व्यवस्थापनको जिम्मेवारी लिएको छ।