काठमाडौं । प्रधानमन्त्री बालेन्द्र शाहको निर्देशनपछि सुरक्षाकर्मीले काठमाडौंको खोला तथा नदी किनारका सुकुम्बासी बस्तीहरू हटाइरहँदा केही सुकुम्बासीको दुःखले मानिसहरूलाई ‘स्तब्ध’ तुल्याएको छ ।

आइतबार काठमाडौंको मनोहरा क्षेत्रबाट हटाइएका एक सुकुम्बासी आँखामा आँसु टिलपिल पार्दै कहाँ राख्ने होला भन्दै चिन्तित भएको भिडियो सार्वजनिक भयो । यो भिडियोले धेरेलाई दुःखित बनाएको छ ।

उनले भिडियोमा भनेका छन्, ‘घरमा चार जना छन्, थाहै छैन । कहाँ राखिदिने हो ? सरकारले व्यवस्था गरिदिनु पर्ने हो होइन, नहुनेलाई ।’

सरकारले वास्तविक सुकुम्बासीको दीर्घकालीन व्यवस्थापनका लागि पाँच स्थानमा पुनस्र्थापनाको योजना अघि सारेको छ । नागार्जुनको इचंगुनारायण, कीर्तिपुरको सत्संग भवन, भक्तपुरको बोडे, खरीपाटी र चाँदबागका सरकारी संरचनाहरूलाई विकल्पका रूपमा तय गरिएको छ ।

प्रधानमन्त्रीका राजनीतिक सल्लाहकार असिम शाहका अनुसार पहिलो चरणमा सुरक्षित आश्रय, दोस्रो चरणमा अस्थायी आवास र त्यसपछि दीर्घकालीन पुनस्र्थापनाको योजना छ ।

वास्तविक सुकुम्बासीलाई दुई साताभित्र व्यवस्थित आवासमा लैजाने लक्ष्य राखिएको उनले बताए ।