काठमाडौं । मनोहरा नदी किनारको सुकुम्बासी बस्ती आज पनि भत्काइने काम जारी रह्यो। स्थानीय प्रशासन र सुरक्षा निकायको संयुक्त टोलीले लगातार दोस्रो दिन बस्ती हटाउने अभियान चलाएको हो।

बिहानैदेखि डोजर, एक्साभेटर र ठूलो संख्यामा परिचालित सुरक्षाकर्मीको उपस्थितिमा टहरा, फूसका घर र अस्थायी संरचनाहरू हटाइएका छन्। बस्तीका धेरै परिवारले आफ्नो सामान सुरक्षित स्थानमा सार्न नपाउँदै घर भत्काइएका कारण तनावपूर्ण अवस्था देखिएको थियो।