काठमाडौं । सरकारले संघीय संसद्को दुवै सदनको बैठक आह्वान गर्न राष्ट्रपतिलाई सिफारिस गरेको छ।

आज बसेको मन्त्रिपरिषद् बैठकले वैशाख २८ गतेका लागि संसद बैठक आह्वान गर्ने निर्णय गर्दै राष्ट्रपतिसमक्ष सिफारिस गरेको सरकारका प्रवक्ता सस्मित पोखरेलले जानकारी दिए।

उनका अनुसार दुवै सदनको बैठक दिउँसो २ बजे बस्नेछ। सरकारले पठाएका ८ वटै अध्यादेश राष्ट्रपतिबाट जारी भएपछि संसद बैठक आह्वानका लागि सिफारिस गरिएको हो।

यसअघि वैशाख १७ गतेका लागि बोलाइएको संसद बैठक विशेष कारण देखाउँदै स्थगित गरिएको थियो।