काठमाडौं। सभामुख डीपी अर्यालले काठमाडौं र धादिङ जोड्ने निर्माणाधीन नागढुंगा सुरुङमार्गको निरीक्षण गरेका छन्।

निरीक्षणका क्रममा सभामुख अर्यालले आयोजनाको निर्माण प्रगति, सुरुङमार्गका प्राविधिक पक्ष तथा बाँकी रहेका कामबारे आयोजना पदाधिकारीसँग जानकारी लिएका थिए। उनले निर्धारित समयमै निर्माण सम्पन्न गरी सर्वसाधारणको सेवामा सुरुङमार्ग सञ्चालनमा ल्याउन सम्बन्धित निकायलाई आवश्यक समन्वय र प्रभावकारी कार्यसम्पादन गर्न आग्रह गरेका छन्।

आयोजना पक्षले सुरुङमार्गको हालसम्मको भौतिक प्रगति, परीक्षण तथा सञ्चालनको तयारीबारे सभामुखलाई जानकारी गराएको थियो।

नागढुंगा सुरुङमार्ग सञ्चालनमा आएपछि काठमाडौं उपत्यकामा प्रवेश गर्ने तथा बाहिरिने सवारीसाधनको यात्रा समय घट्नुका साथै ट्राफिक व्यवस्थापन सहज हुने अपेक्षा गरिएको छ।