काठमाडौं। सरकारले नेपाल स्काउटको अन्तरिम राष्ट्रिय कार्यकारी समितिको प्रमुख आयुक्तमा सन्तोषकुमार थापालाई नियुक्त गरेको छ।

बुधबार बसेको मन्त्रिपरिषद् बैठकले थापालाई उक्त जिम्मेवारी दिने निर्णय गरेको हो।

शिक्षा तथा खेलकुदमन्त्री सस्मित पोखरेलले बिहीबार मन्त्रालयमा आयोजित कार्यक्रममा थापालाई नियुक्तिपत्र हस्तान्तरण गरेका छन्।

थापा काठमाडौं महानगरपालिकाका प्रमुख बालेन्द्र शाह (बालेन) को चुनावी अभियानमा सक्रिय रहेका व्यक्ति हुन्। उनी स्थानीय तह निर्वाचनका बेला बालेनको टिमसँग आबद्ध थिए।

थापाको नियुक्तिपछि पछिल्लो समय स्वतन्त्र राजनीतिक पृष्ठभूमि वा वालेन्द्र शाह(बालेन)सँग निकटता राख्ने केही व्यक्तिहरू विभिन्न सार्वजनिक निकाय तथा सरकारी जिम्मेवारीमा नियुक्त भइरहेको चर्चा पनि सुरु भएको छ।