काठमाडौं – रास्वपाका सभापति रवि लामिछानेले सुनसरी घटनालगायत विषयमा छलफल गर्न आज बिहान ८ बजे सर्वदलीय बैठक बोलाएका छन् ।

सिंहदरबारस्थित लेखा समितिको बैठक कक्षमा संसद्मा रहेका सबै दलसहित उपेन्द्र यादव, महन्थ ठाकुर र सीके राउत नेतृत्वका दललाई आमन्त्रण गरिएको रास्वपाका महामन्त्री विपिनकुमार आचार्यले जानकारी दिए । बैठकका लागि सबै दललाई पत्राचार गर्नुका साथै सभापति लामिछानेले नेताहरूलाई आफैँ फोन गरेर आमन्त्रण गर्नुभएको महामन्त्री आचार्यको भनाइ छ ।