जनकपुरधाम। दुई समुदायबीचको तनाव बढेपछि धनुषाको जनकपुरधाम उपमहानगरपालिका क्षेत्रको सहरी भागमा कर्फ्यु आदेश जारी गरिएको छ।

प्रमुख जिल्ला अधिकारी प्रेमप्रसाद लुइँटेलका अनुसार बिहीबार दिउँसो साढे ३ बजेदेखि लागू हुनेगरी कर्फ्यु आदेश जारी गरिएको हो।

पछिल्लो घटनाक्रमका कारण सम्भावित झडप तथा अप्रिय घटना रोक्न प्रशासनले कर्फ्यु लगाएको जनाएको छ।

तनाव बढेसँगै जनकपुरको संवेदनशील क्षेत्रमा सुरक्षा उपस्थिति पनि बढाइएको छ। प्रशासनले शान्ति–सुरक्षा कायम राख्न स्थानीयलाई संयमित रहन र प्रशासनको निर्देशन पालना गर्न आग्रह गरेको छ।