सिरहा। सिरहाको गोलबजारमा दुई पक्षबीच भएको झडपमा गोली लागेर एकजनाको मृत्यु भएको छ। कर्फ्यु आदेश लागू रहेकै अवस्थामा झडप बढेपछि गोलबजारको अवस्था तनावग्रस्त बनेको हो।

सहायक प्रमुख जिल्ला अधिकारी चेतराज बरालका अनुसार मृत्यु हुनेमा गणेश यादव रहेका छन्।

घटनापछि स्थिति नियन्त्रणमा लिन गोलबजार क्षेत्रमा नेपाली सेना परिचालन गरिएको छ। सुरक्षा व्यवस्था कडा पारिएको प्रशासनले जनाएको छ।

घटनामा गोली कसरी चल्यो र यादवको मृत्यु कसको गोलीबाट भयो भन्नेबारे भने प्रशासनले विस्तृत विवरण सार्वजनिक गरेको छैन।