कर्फ्यु यथावत्, तस्वीरमा हेर्नुहोस् गोलबजारको ताजा अवस्था
Nepal One HD १५ साउन २०८३ ११:३८
सिरहा। सिरहाको गोलबजार क्षेत्रमा शुक्रबार बिहानदेखि अवस्था सामान्य बन्दै गएको छ। यद्यपि, गोलबजार–लहान क्षेत्रमा जारी कर्फ्यु भने अर्को सूचना नभएसम्म यथावत् रहने प्रशासनले जनाएको छ।
पूर्व–पश्चिम राजमार्गमा बिहानदेखि सवारीसाधन तथा सर्वसाधारणको चहलपहल न्यून छ। राजमार्गसहित संवेदनशील क्षेत्रमा नेपाल प्रहरी, सशस्त्र प्रहरी र नेपाली सेनाले सुरक्षा व्यवस्था कडा बनाएका छन्।
नेपाली सेनाले गोलबजारका विभिन्न गाउँबाट मुख्य सडकमा निस्कने बाटो तथा गल्लीहरूमा समेत निगरानी बढाएको छ। पुरानो चौक चोहर्वादेखि गोलबजारको गागन खोलासम्म सुरक्षाकर्मी परिचालन गरिएको छ।
कर्फ्युको पालना गराउन सुरक्षाकर्मीले सडकमा भेटिएका नागरिकलाई अत्यावश्यक कामबाहेक घरबाहिर ननिस्कन आग्रह गर्दै फर्काइरहेका छन्। अत्यावश्यक काममा हिँडेकाहरूलाई भने सोधपुछपछि गन्तव्यतर्फ जान दिइएको छ।
यसैबीच, कर्फ्यु लागू नभएको सिरहाको कसहा क्षेत्रमा केही प्रदर्शनकारी पुनः पूर्व–पश्चिम राजमार्गमा उत्रिएका छन्। उनीहरूले सडकमा टायर बालेर विरोध प्रदर्शन गरेका छन्।
तस्वीरहरू:
