सीआईबीका एसपी अनुपम शमशेर जबराका अनुसार भट्टराईलाई तिब्बती शरणार्थीका नाममा गैरकानुनी रूपमा यात्रा अनुमतिपत्र (ट्राभल डकुमेन्ट) जारी गरेको आरोपमा पक्राउ गरिएको हो।

भट्टराईविरुद्ध गत सोमबार जिल्ला सरकारी वकिल कार्यालय, काठमाडौंले जिल्ला अदालतमा राहदानी कसुरसम्बन्धी मुद्दा दायर गरेको थियो। मुद्दा दायर गर्ने क्रममा उनी अदालतमा उपस्थित नभएपछि पक्राउ गर्न अदालतबाट पुर्जी जारी भएको थियो।

अदालतको पक्राउ पुर्जीपछि सीआईबीले उनलाई नियन्त्रणमा लिएको हो। घटनासम्बन्धी थप अनुसन्धान अघि बढाइएको प्रहरीले जनाएको छ।