काठमाडौं । नेपाली कांग्रेसले सुकुम्बासी बस्ती हटाएर राखिएका नागरिकको व्यवस्थापनमा सरकार असफल भएको आरोप लगाएको छ।

कांग्रेस संसदीय दलका नेता भिष्मराज आङ्देम्बेले प्रतिनिधिसभामा बोल्दै कीर्तिपुरस्थित राधास्वामी होल्डिङ सेन्टरमा रहेका नागरिकसमेत बाढीको जोखिममा परेको बताए।

उनका अनुसार बाढीबाट जोगाउन राखिएका नागरिक फेरि त्यहीँ बाढीमा परेपछि १५४ जनामध्ये ५४ जनालाई रातारात उद्धार गर्नुपरेको थियो।

उनले विस्थापित परिवारका नागरिकता, औषधि, लत्ताकपडा तथा बालबालिकाका पुस्तक-कापीसमेत नष्ट भएको बताए।

‘घर भनेको जस्तापाता र इँटा मात्र होइन, त्यससँग शिक्षा, रोजगारी, उपचार र परिवारको सुरक्षा जोडिएको हुन्छ,’ आङ्देम्बेले भने।