काठमाडौं। सरकारले तथ्याङ्कसम्बन्धी कानुनी व्यवस्थालाई परिमार्जन गर्दै ‘तथ्याङ्क पहिलो संशोधन नियमावली, २०८३’ स्वीकृत गरेको छ ।

मन्त्रिपरिषद्को बैठकले उक्त संशोधन नियमावली स्वीकृत गर्ने निर्णय गरेको सरकारका प्रवक्ता तथा शिक्षा तथा खेलकुदमन्त्री सस्मित पोखरेलले जानकारी दिए ।

सरकारले तथ्याङ्क संकलन, व्यवस्थापन तथा प्रयोगलाई थप व्यवस्थित बनाउन विद्यमान कानुनी व्यवस्थामा संशोधन गरेको हो । संशोधित नियमावली कार्यान्वयनमा आएसँगै सरकारी तथ्याङ्क प्रणालीलाई थप व्यवस्थित र प्रभावकारी बनाउने अपेक्षा गरिएको छ ।

मन्त्रिपरिषद्को निर्णय सार्वजनिक गर्दै मन्त्री पोखरेलले नियमावली स्वीकृत भएको जानकारी दिएका हुन् ।