काठमाडौं। फ्राइडे रिलिजको अवसर पारेर शुक्रबारदेखि दुई नयाँ नेपाली फिल्म प्रदर्शनमा आएका छन्।

नीर शाह निर्देशित ‘कमला मिस’ र ओम प्रतिक निर्देशित ‘हली’ देशभर प्रदर्शनमा आएका हुन्।

दुवै फिल्म सामाजिक कथावस्तुमा आधारित छन्। ‘कमला मिस’ साहित्यकार तथा नाटककार विजय मल्लको चर्चित कृति ‘कोही कि बरबाद होस्’ बाट प्रेरित फिल्म हो।

फिल्ममा निर शाह, रमेश बुढाथोकी, वासना तिमिल्सिना, शिवम् सराफ क्षेत्री, आरभ दाहाल, भावना मगर, कृष्ण मुरारी ढुंगेल, सुशान्तकुमार श्रेष्ठ, जयन्त रेग्मी, सुरेश थापा, राजन केसी, प्रणव सुबेदी (भोला) र सञ्जय खतिवडालगायत कलाकारको अभिनय छ।

‘कमला मिस’ विजय मल्ल स्मृति प्रतिष्ठानले प्रस्तुत गरेको हो।

यस्तै, ओम प्रतिक निर्देशित ‘हली’ ले छाउपडी प्रथाका कारण महिलाले भोग्नुपरेका संघर्ष र सामाजिक यथार्थलाई कथावस्तु बनाएको छ।

फिल्ममा प्रमोद दीप, सुजाता थापा, ओम प्रतिक (गुरुङ), सरोज खनाल, अरुणा कार्की, अर्जुन गुरुङ, विद्या कार्कीलगायत कलाकारको अभिनय छ।

पूजा गुरुङ र जश्मीन श्रेष्ठ ‘हली’का निर्माता हुन्। दुवै फिल्मले फरक सामाजिक विषयलाई पर्दामा प्रस्तुत गरेका छन्।