काठमाडौं। नेपाली कांग्रेसका पूर्वसभापति शेरबहादुर देउवा साढे पाँच महिनापछि बिहीबार स्वदेश फर्किएका छन्।

स्वास्थ्य उपचारका लागि गत फागुन १३ गते श्रीमती आरजु राणासहित सिंगापुर गएका देउवा बिहीबार काठमाडौं आइपुगेका हुन्।

देउवा नेपाल फर्किएपछि त्रिभुवन अन्तर्राष्ट्रिय विमानस्थलमा बाजागाजा र झाँकीसहित स्वागत गरिएको थियो।

कांग्रेसको संस्थापन इतर समूहको राष्ट्रिय भेलामा सहभागी हुन काठमाडौं आएका नेता तथा कार्यकर्तासमेत उनको स्वागतका लागि विमानस्थल पुगेका थिए।

देउवा शुक्रबार सुकेधारास्थित पार्टी प्यालेसमा आयोजना हुने कांग्रेस संस्थापन इतर समूहको राष्ट्रिय भेलामा सहभागी हुने कार्यक्रम रहेको छ।

उक्त भेलालाई कांग्रेसभित्रको आगामी राजनीतिक रणनीति र संगठनात्मक बहसबारे महत्वपूर्ण रूपमा हेरिएको छ।