काठमाडौं । कीर्तिपुर नगरपालिका–७ भाजंगलमा बाटो हिँडिरहेकी महिलालाई दुर्व्यवहार गरेको आरोपमा प्रहरीले तीन जनालाई पक्राउ गरेको छ ।

पक्राउ पर्नेमा बझाङका २२ वर्षीय सत्यराज खत्री, कञ्चनपुरका २२ वर्षीय ललित दमाई र अशोक भण्डारी रहेका छन् । उनीहरूलाई प्रहरी वृत्त कीर्तिपुरबाट खटिएको टोलीले नियन्त्रणमा लिएको हो ।

प्रहरीका अनुसार भदौ १२ गते राति करिब ८ बजे तीनै जनाले बाटोमा हिँडिरहेकी महिलालाई जिस्क्याउँदै मोबाइल नम्बर माग्नुका साथै अश्लील शब्द प्रयोग गरेका थिए ।

घटनाबारे थप अनुसन्धान भइरहेको प्रहरीले जनाएको छ ।