काठमाडौं । नेपाली समाज, सम्बन्ध र संस्कृतिको कथा समेटिएको फिल्म ‘रत्यौली’को छायांकन सुरु भएको छ।

मुस्कान ढकालको लेखन तथा निर्देशनमा बन्न लागेको फिल्मको मंगलबार पशुपति क्षेत्रमा पूजा गर्दै छायांकन शुभारम्भ गरिएको हो। दुई दिन काठमाडौंमा छायांकन गरेपछि निर्माण टोली दोलखाको जिरी जानेछ, जहाँ करिब एक महिना विभिन्न स्थानमा फिल्म खिचिनेछ।

फिल्ममा विजय बराल, पूजा शर्मा, लक्ष्मी बर्देवा, अर्जुन देवसन, सम्रान्त थापा, निर्भिक भण्डारीलगायत कलाकारको अभिनय रहनेछ।

नाइटेङ्गल इन्टरटेनमेन्ट र पूजा शर्मा प्रोडक्सनको संयुक्त ब्यानरमा बन्ने फिल्मलाई पूजा शर्माले प्रस्तुत र सुरज आचार्यले निर्माण गर्नेछन्।

फिल्म आगामी फागुन २१ गतेदेखि प्रदर्शनमा आउनेछ।