संखुवासभा । संखुवासभाको मकालु गाउँपालिकामा एक शिक्षकको गोली हानी हत्या गरिएको छ।

स्थानीय कालिका आधारभूत विद्यालयमा कार्यरत ३६ वर्षीय नरकुविर खम्बु राईको गएराति भरुवा बन्दुकको गोली प्रहारबाट हत्या भएको प्रहरीले जनाएको छ।

प्रहरीका अनुसार राईलाई राति करिब ७ बजे नजिकैबाट गोली हानिएको थियो। देब्रे कोखमा गोली लागेका उनको घटनास्थलमै मृत्यु भएको संखुवासभाका प्रहरी प्रमुख प्रहरी नायव उपरीक्षक कुमारप्रसाद मैनालीले जानकारी दिए।

घटनाबारे थप अनुसन्धान भइरहेको प्रहरीले जनाएको छ।