काठमाडौं । जनता समाजवादी पार्टी (जसपा) नेपालका चार जना केन्द्रीय नेताले पार्टीबाट सामूहिक राजीनामा दिएका छन्।

पूर्वसङ्घीय सांसद तथा सहिद परिवारकी सदस्य इन्दुकुमारी शर्मा, केन्द्रीय सल्लाहकार सदस्य युसुफ साफी, केन्द्रीय निर्वाचन समिति सदस्य अधिवक्ता घनश्याम शर्मा र युवा नेता पुष्पराज चमनले आइतबार संयुक्त विज्ञप्ति जारी गर्दै पार्टीको साधारण सदस्यसमेत नरहने गरी राजीनामा दिएको घोषणा गरेका हुन्।

राजीनामा घोषणा गर्ने चारै जनाले अब ‘हुँकार मधेस’ अभियानमा सक्रिय हुने जनाएका छन्।

संयुक्त विज्ञप्तिमार्फत उनीहरूले पार्टीबाट अलग भएको जानकारी गराउँदै आगामी राजनीतिक गतिविधि ‘हुँकार मधेस’ अभियानमार्फत अघि बढाउने बताएका छन्।